ԵՐԵՎԱՆ, ԱՊՐԻԼԻ 25, 24News
ՀՀ վարչապետ Նիկոլ Փաշինյանը պատասխանել է «Независимая газета»-ի բլից հարցերին։ Հարցուպատասխանը ներկայացնում ենք ստորև․
«- Ե՞րբ է սկսվում ձեր աշխատանքային օրը և ե՞րբ է ավարտվում այն:
- Առավոտյան ժամը 8-ից: Ավարտվում է, երբ այլևս ուժ չկա աշխատելու:
- Հոբի՞:
- Երբեք չի եղել ու չկա:
- Սիրած ուտելի՞քը:
- Սպաս։
- Խմի՞չքը:
-Սուրճ: Ես ալկոհոլ ևս օգտագործում եմ, բայց նախապատվություն չկա: Կախված է շրջապատից և իրավիճակից:
- Սիրելի գրո՞ղը:
- Հովհաննես Թումանյան, Ֆյոդոր Դոստոևսկի, Հրանտ Մաթևոսյան:
- Ե՞րբ եք վերջին անգամ գեղարվեստական ֆիլմ դիտել և ո՞րն է այն:
- Օրեր առաջ դիտել եմ իտալական կատակերգություն՝ «Օրենքն այստեղ տեղ չունի»:
Ավելի վաղ հայտնել էինք, որ վարչապետ Նիկոլ Փաշինյանը «Ռոսիա 1» հեռուստաընկերության «60 րոպե» հաղորդման ուղիղ եթերում խոսել է Ռուսաստան-Ուկրաինա հարաբերության մասին։
«Ինձ համար կարևոր է լինել կոռեկտ իմ երկու կոլեգաների՝ Ռուսաստանի նախագահի և Ուկրաինայի ընտրված նախագահի մասին խոսելիս։
Կարծում եմ՝ բոլորիս համար հասկանալի է, որ երկխոսությանը ոչ մի այլընտրանք չկա»,- ասել է Փաշինյանը, ապա հավելել, որ ռուսներն ու ուկրաինացիները եղբայրական ազգեր են, ուստի վստահություն է հայտնել, որ Ռուսաստանի և Ուկրաինայի միջև երկխոսությունը կվերականգնվի: