ԵՐԵՎԱՆ, ՄԱՅԻՍԻ 4, 24News
Երևանի քաղաքապետի մամուլի խոսնակ Հայկ Կարապետյանը ֆեյսբուքյան էջում գրառում է արել՝ անդրադառնալով քաղաքապետարանի աշխատակիցների աշխատավարձերի բարձրացմանը։ Գրառումը՝ ստորև․
«Քաղաքապետարանի 1700 աշխատակցի աշխատավարձերը կբարձրանան շուրջ 30%-ով:
Մայիսի 8-ին կայանալիք Երեւանի ավագանու արտահերթ նիստում նախատեսվում է ընդունել հաստիքացուցակների փոփոխության մասին որոշումը, որի համաձայն՝ քաղաքապետարանի, այդ թվում՝ վարչական շրջանների աշխատակիցների աշխատավարձերը կբարձրանան միջինը 28-30 տոկոսով:
Երևանի՝ որպես համայնք ձևավորվելուց ի վեր, սա աշխատավարձերի նման ծավալի առաջին բարձրացումն է:
Ի դեպ, համայնքային պաշտոնյաների աշխատավարձերի չափը որոշվում է օրենսդրությամբ սահմանված գործակիցներով»: