ԵՐԵՎԱՆ, ՄԱՅԻՍ 13, 24News
«Աերոֆլոտ» ավիաընկերության Մոսկվա-Սամարա չվերթի SSJ-100 (Sukhoi Superjet 100) ինքնաթիռը վերադարձել է «Շերեմետևո» օդանավակայան, հայտնել է РИА Новости-ն՝ հետևելով Flightradar պորտալի տվյալներին:
Համաձայն այդ տվյալների՝ SSJ-100-ը վերելք է կատարել գիշերը 01:59-ին, սակայն դեռ մեկ ժամ չանցած՝ Վլադիմիրի մարզում շրջվել է և վերադարձել:
Ինքնաթիռը պետք է Սամարա ժամաներ տեղի ժամանակով ժամը 04.30-ին, սակայն ժամանման ժամը փոխել են:
Անցյալ շաբաթ «Աերոֆլոտը» հետաձգել էր SSJ-100 ինքնաթիռի տասնյակ թռիչքներ:
Հիշեցնենք, որ մայիսի 5-ին Մոսկվայից Մուրմանսկ ուղևորվող SSJ-100 ինքնաթիռը վերադարձել էր «Շերեմետևո» օդանավակայան ռադիոկապի, օդանավի ավտոմատ կառավարման համակարգի խափանման և կայծակնահարությունից կրած վնասի պատճառով: Վայրէջքի ժամանակ օդանավում հրդեհ էր բռնկվել, որի հետևանքով մահացել էր 41 մարդ: