Դորտմունդի օդանավակայանում Անգելա Մերկելի ինքնաթիռին ավտոմեքենա է բախվել

ԵՐԵՎԱՆՄԱՅԻՍԻ 14, 24News

1

«Life.ru»-ն հայտնում է, որ Գերմանիայի կանցլեր Անգելա Մերկելի Global 5000 ինքնաթիռին Դորտմունդի օդանավակայանում բախվել է ծառայողական ավտոմեքենա։ Հարվածի հետևանքով կառավարական ինքնաթիռը վնասվել է:

Վթարի պատճառն այն է, որ վարորդը մոռացել է միացնել ձեռքով արգելակումը և  հեռացել է մեքենայից, ինչից հետո այն սկսել է առաջ շարժվել:

Միջադեպի պահին կանցլերն ինքնաթիռում չի եղել, սակայն նա ստիպված է եղել Դորտմունդից թռչել մեկ այլ՝ Գերմանիայի պաշտպանության նախարարության օդանավով:

Սա Մերկելի ինքնաթիռի հետ կապված առաջին միջադեպը չէ: 2018-ի նոյեմբերին Գերմանիայի կանցլերի ինքնաթիռն արտակարգ վայրէջք էր կատարել ինքնաթիռի տեխնիկական խնդիրների հետ կապված, երբ Մերկելը մեկնում էր Արգենտինա՝ մասնակցելու G20-ի գագաթնաժողովին: Մերկելը ստիպված թռչել էր սովորական չվերթով և ուշացել գագաթնաժողովից:

Տեսանյութեր

Live

Լրահոս