«Հյուսիս-հարավ» նոր կառուցվող ճանապարհին մեքենան հայտնվել է ձորակում. վիրավորներ կան

Այսօր՝ նոյեմբերի  9-ին, ավտովթար է տեղի ունեցել Արագածոտնի մարզում: Ժամը 18:50-ի սահմաններում «Opel» մակնիշի ավտոմեքենան Երևան-Գյումրի ավտոճանապարհին՝ Թալինի վարչական տարածքում՝ ժողովրդին հայտնի Կաքավաձոր գյուղի խաչմերուկում՝ դեպի Երևան ընթանալիս, դուրս է եկել երթևեկելի գոտուց, բախվել «Հյուսիս-հարավ» նոր կառուցվող ճանապարհի բետոնե արգելապատնեշներին, մի քանիսը կոտրել և հայտնվել ձորակում:  

Shamshyan-ի հաղորդմամբ՝ վթարի հետևանքով 3 հոգի, որոնցից մեկին ավտոմեքենայից դուրս են բերել օպերատիվորեն ժամանած ՀՀ ներքին գործերի նախարարության փրկարար ծառայության Թալինի հրշեջ-փրկարարական ջոկատի փրկարարները՝ օգտագործելով հատուկ տեխնիկա, տեղափոխվել են «Թալին» բժշկական կենտրոն:

Վթարի փաստով Թալինի քննչական բաժնում նախաձեռնվել է քրեական վարույթ, որտեղ էլ պարզվում է վարորդի և վիրավորների ինքնությունը: