ԵՐԵՎԱՆ, ՄԱՅԻՍԻ 14, 24News
ԱԺ ԲՀԿ խմբակցության պատգամավոր Գևորգ Պետրոսյանը ֆեյսբուքյան էջում գրառում է արել՝ անդրադառնալով տնտեսական հեղափոխությանը։ Գրառումը՝ ստորև․
«Տնտեսական հեղափոխության ուշացումը չեզոքացնում և գրեթե իմաստազրկում է քաղաքական հեղափոխությունը, ասել է, թե՝ իշխանափոխությունը:
Պետք է սառնասիրտ ու օբյեկտիվ լինել...
Ժողովրդի համար ի՞նչ նշանակություն ունի, թե վերևներում ո՞վ կամ ո՞վքեր են ըմբոշխնում իշխանական կյանքի հաճույքը՝ այսինչը կամ այնինչը, եթե այդ նույն ժողովրդի 70 տոկոսը մարտնչում է սովի ճիրաններում:
Վերջապես էս երկրում կա՞ մեկը, որ հստակ կասի, թե ինչքան պետք է սպասի հավատավոր ժողովուրդը...»,-գրել է Գևորգ Պետրոսյանը: