ԵՐԵՎԱՆ, ՆՈՅԵՄԲԵՐԻ 12, 24News
Հեռուստահաղորդավար, Ռուսաստանի ժողովրդական արտիստ Յուրի Նիկոլաևը ուշաթափվելուց հետո ընդունվել է վերակենդանացման բաժանմունք:
Հաղորդվում է, որ Նիկոլաևին բարձր ջերմությամբ շտապ տեղափոխել են մայրաքաղաքի կլինիկաներից մեկը և անմիջապես ուղարկել վերակենդանացման բաժանմունք:
«Ախտորոշումը հաստատելու համար մի շարք հետազոտություններ են ընթանում, բժիշկները բացառել են սրտի կաթվածի և ինսուլտի հավանականությունը», - հայտնում են տելեգրամ ալիքները՝ վկայակոչելով հիվանդանոցի աղբյուրը։
Խորհրդային և ռուսական հեռուստատեսային և ռադիոհաղորդավար, դերասան, Ռուսաստանի ժողովրդական արտիստ Յուրի Նիկոլաևը հեռուստատեսությունում սկսել է իր կարիերան 1973 թվականին և վարել բազմաթիվ հեռուստահաղորդումներ:
--00—ԼՀ