ԵՐԵՎԱՆ, ՄԱՅԻՍԻ 15, 24News
ՀՀ Պաշտպանության նախարար Դավիթ Տոնոյանը այցելել է կենտրոնական հոսպիտալ։
Այս մասին ֆեյսբուքյան իր էջում տեղեկացրել է պաշտպանության նախարարի մամլո խոսնակ Արծրուն Հովհաննիսյանը:
«Նախարարը հանդիպեց Ագանիկ Զորոգլյանին, ով ապաքինվում է, արդեն հաղորդակցվում է և իր տրամադրությամբ նախարարին վստահեցրեց, որ շուտ ապաքինվելու է և շարունակի մարտական ծառայությունը։ Դավիթ Տոնոյանը հանդիպեց նաև Արգիշտի Սեփխանյանին ում վիճակը զգալիորեն բարելավված է»,-գրել է Հովհաննիսյանը։
Հիշեցնենք, որ Ագանիկ Զորոգյանը հակառակորդի կրակից վիրավորվել էր մայիսի 4-ին՝ Արցախում, իսկ պայմանագրային զինծառայող Արգիշտի Սեփխանյանը վիրավորվել էր ապրիլի 30-ին՝ Տավուշի դիրքերում: