ԵՐԵՎԱՆ, ԴԵԿՏԵՄԲԵՐԻ 8, 24News
ԱՄՆ գործող նախագահ Ջո Բայդենը հայտարարել է, որ ԱՄՆ-ն ավիահարվածներ է հասցրել Սիրիայում, որպեսզի թույլ չտա ԻՊ-ին վերականգնել իր դիրքերը Բաշար Ասադի կառավարության տապալումից հետո։
Ըստ NYT-ի՝ ելույթ ունենալով Սպիտակ տանը՝ Բայդենը նշել է Ասադի տապալումը որպես «արդարության հիմնարար ակտ» և հույս հայտնել, որ տասնյակ տարիներ բռնաճնշումներից հետո Սիրիայի ժողովուրդը կկարողանա կառուցել նոր, ավելի ազատ հասարակություն: Բայց նա զգուշացրել է, որ սա նաև «ռիսկի և անորոշության պահ է», և որ իր վարչակազմը կփորձի թույլ չտալ ահաբեկիչներին վերականգնել իրենց ուժը:
«Մենք հստակ գիտակցում ենք այն փաստը, որ ԻՊ-ը կփորձի օգտվել ցանկացած վակուումից՝ վերականգնելու իր կարողությունները։ Մենք թույլ չենք տա, որ դա տեղի ունենա»,- ասել է նա:
--00—ՅՄ