Քոչարյանի ազատումը փողոցը չէր ընդունի, դրա համար Փաշինյանը պիտի շոու բեմադրեր․ քաղաքագետ

ԵՐԵՎԱՆ, ՄԱՅԻՍԻ 18, 24News

1

Մեզ փորձում են համոզել, որ դատարանները անկախ են ու դատավորը ինքնուրույն է որոշել Քոչարյանին ազատ արձակել։ Այս մասին Facebook-ի իր էջում գրել է քաղաքական վերլուծաբան Ստեփան Դանիելյանը:

Գրառումը՝ ստորև.

«Շատերը հավատում են դրան (առանց հավատի հասարակություն չես կառուցի)՝ չնայած նրան, որ ակնհայտ է, որ եղել է պայմանավորվածություն, ու Փաշինյանը Բակո Սահակյանի հետ խոսել է երաշխավորագիր տալու կապակցությամբ եւ այլն։ Սակայն միֆերը շարունակվում են։

Պարզ էր, որ Քոչարյանի խափանման միջոցի փոխելու պատասխանատվությունը Նիկոլը պետք է Արցախի վրա դներ, կամ էլ ծայրահեղ դեպքում Սահմանադրական Դատարանի վրա, բայց ժամանակը քիչ էր հարցն միայն Սահմանադրական Դատարանում լուծելու համար։ Սկզբից, որպես նախապատրաստական աշխատանք, սահմանադրական դատարանի որոշումը եղավ, հետո Արցախի նախագահների սցենարը իրագործվեց։

Դեմքը փրկելու խնդիրն է դրանով լուծվում։ Մթնոլորտն այնքան էր շիկացել, որ Քոչարյանի ազատ արձակելը փողոցը չէր ընդունի, դրա համար պետք էր նման ներկայացում բեմադրել։

Օրերս Նիկոլը պետք է Պուտինի հետ հանդիպի, կամ էլ չհանդիպի։ Նիկոլը ընտրեց հանդիպելու տարբերակը։ Որքան պարզ է իրավիճակը, այնքան ենթադրությունների քանակը՝ շատ»:

Տեսանյութեր

Live

Լրահոս