ԵՐԵՎԱՆ, ՄԱՅԻՍԻ 18, 24News
Ֆրանսիական Les Cinemas Gaumont Pathe կինոթատրոնների ցանցը Շվեյցարիայում նոր մասնաճյուղ է բացել, որում հանդիսականներին առաջարկվում է ֆիլմի դիտումն ավանդական նստարանների փոխարեն անցկացնել երկտեղանոց մահճակալների վրա: Այս մասին հաղորդում է Корреспондент-ը՝ հղում անելով տեղի աղբյուրին:
Աղբյուրի փոխանցմամբ VIP-Bedroom կինոսրահը կահավորված է 11 երկտեղանոց մահճակալներով՝ էլեկտրոնային կարգավորում ունեցող գլխամասերով, բարձերով և կից պահարանիկներով:
Սրահի մուտքի մոտ այցելուներին նաև հողաթափեր են տրամադրում:
Մահճակալների սպիտակեղենը փոխվելու է յուրաքանչյուր դիտումից հետո ընդմիջման ժամանակ:
Կինոթատրոնում կա նաև մեկտեղանոց և երկտեղանոց բազմոցներով համալրված սրահ: Այս երկու սրահներ այցելելու համար անհրաժեշտ է VIP-տոմս ձեռք բերել, որն արժե 49 շվեյցարական ֆրանկ: Այն ներառում է անվճար խմիչքներ և ուտեստներ: