ԵՐԵՎԱՆ, ՄԱՅԻՍԻ 20, 24News
Արցախի նախկին օմբուդսմեն, իրավապաշտպան Ռուբեն Մելիքյանը ֆեյսբուքյան էջում գրառում է արել․
«Դատարաններից մեկում վարչապետի հրահանգով հավաքված խառնամբոխն արդեն իսկ հասցրել է կոտրել ապակիներ, քաշքշել աշխատանքի գնացող դատավորների։
Ոստիկանությունը անգործության է մատնված։
Դուք սա չեք մարսի, Նիկոլ Փաշինյան», – գրել է նա՝ տարածելով Աջափնյակ և Դավթաշեն վարչական շրջանների ընդհանուր իրավասության դատարանի լուսանկարը, որում երևում են կոտրված ապակիները։
Ավելի վաղ հայտնել էինք, որ Նիկոլ Փաշինյանը կոչ էր արել մայիսի 20-ի առավոտյան՝ ժամը 08։30–ից, փակել բոլոր դարանների մուտքերն ու ելքերը։ Սա մի շարք իրավապաշտպան կազմակերպություններ ու ՀԿ–ներ որակել են որպես սահմանադրական կարգի տապալում։