ԵՐԵՎԱՆ, ՄԱՅԻՍԻ 20, 24News
«ТАСС» գործակալությունը գրում է, որ Դուշանբեի արվարձանի բանտում «Իսլամական պետություն» ահաբեկչական խմբավորմանն անդամակցելու համար դատապարտվածների խռովության հետևանքով առնվազն 29 կալանվոր է զոհվել: Անկարգությունների զոհ է դարձել նաև ուղղիչ հիմնարկության երեք աշխատակից:
«Խռովարարները չեն ենթարկվել անկարգությունները դադարեցնելու պահանջին, հարձակվել ու վիրավորել են բանտի մի քանի աշխատակիցների: Սպանվել է երեք սպա», - գրում է աղբյուրը՝ հղում անելով երկրի արդարադատության նախարարության հայտարարությանը:
Միջադեպի պատճառը 30 վտանգավոր կալանավորներն են, որոնք պատիժ են կրում ԻՊ-ին անդամակցելու մեղադրանքով, զինվել են դանակներով և պատանդ վերցրել բանտի աշխատակիցներին՝ փորձելով փախուստի փորձ անել:
«Բանակցությունների ընթացքում հանցագործների միջև լեզվակռիվ է տեղի ունեցել, որը վերաճել է փոխհրաձգության։
Բանտի վարչակազմը ծայրահեղ միջոցներ է ձեռնարկել, և անկարգությունները ճնշելիս զոհեր են եղել առանձնապես վտանգավոր կալանավորների շրջանում», - մանրամասնել է նախարարությունը: