ԵՐԵՎԱՆ, ՄԱՅԻՍԻ 21, 24News
Թուրքիայի Մեջլիսի հայազգի պատգամավոր Կարո Փայլանը հանդիպել է ստամբուլահայ 13-ամյա տղայի՝ Արթուրի հետ, որին թուրք աստվածաբան Նիհաթ Հաթիփօղլուի իր հաղորդման ժամանակ ուղիղ եթերում համոզել էր իսլամ ընդունել։ Տղան անվանափոխ էր եղել և ընդունել թուրքական «Նիհաթ» անունը։
Մեծ աղմուկ բարձրացրած հաղորդումից հետո Կարո Փայլանը հանդիպել էր հայ տղայի հետ, ապա ֆեյսբուքյան և թվիթերյան էջերում գրառում արել։
«Հանդիպեցի Արթուրին։ Նա լավ է։ Միշտ պիտի կողքին լինեմ։ Կանեմ ամեն ինչ, որ իրեն չարից պաշտպանեմ»:
Ավելի վաղ հայտնել էինք, որ Արթուրի մայրը հաղորդումից հետո պարզաբանել էր, որ Արթուրը կնքված է, հաճախ է լինում հայկական եկեղեցում, և որ հաղորդման ժամանակ կատարվածից տեղյակ չի եղել: