ԵՐԵՎԱՆ, ՄԱՅԻՍԻ 21, 24News
Ոստիկանությունում նյութեր են նախապատրաստվում Ազատության հրապարակում ՀՀ երկրորդ նախագահ Ռոբերտ Քոչարյանին կալանքից ազատելու դատարանի որոշման դեմ բողոքող ցուցարարների և դաշնակցական գործիչ Հրանտ Մարգարյանի միջև տեղի ունեցած միջադեպի առնչությամբ:
Այս մասին հայտնում է ՀՀ ոստիկանության լրատվական վարչությունը:
Հիշեցնենք, որ մայիսի 18-ին ակցիայի մասնակիցները, Ազատության հրապարակում տեսնելով թոռների հետ զբոսնող Հրանտ Մարգարյանին, սկսել են վանկարկել «դա-վա-ճան», ապա փորձել են խմբով մոտենալ նրան, քաշքշել: Ոստիկաններն առանձնացրել են կողմերին և ցուցարարներին թույլ չեն տվել մոտենալ քաղաքական գործչին: