ԵՐԵՎԱՆ, ՄԱՅԻՍ 21, 24News
Ռուսական հեռուստատեսությամբ հեռարձակվող, ամուսնական դավաճանությունների բացահայտմամբ զբաղվող «Վտանգավոր կապեր» իրապատում շոուի հաղորդավար Կարեն Քոչարյանին ծեծել են Մոսկվայում, հայտնում է gazeta.ru-ն:
Միջադեպը տեղի է ունեցել հաղորդման շրջանակում Քոչարյանի իրականացրած հերթական հետաքննություններից մեկի ավարտից հետո:
Հաղորդավարը փողոցում զրուցելիս է եղել իրեն դիմած կնոջ հետ, երբ նրա վրա է հարձակվել դավաճանության վրա «բռնված» ամուսինը: Տղամարդը Քոչարյանից պահանջել է իրեն տալ գաղտնի տեսախցիկով արված տեսագրությունը, ինչից հետո հաղորդավարին է հարվածել երկաթե գործիքով:
Դրա հետևանքով Քոչարյանի մոտ ոսկրային կոտրվածք է ախտորոշվել: