Երևանում կկառուցվի եվրոպական արտադրության վերջին սերնդի կարուսելներ․ արժեքը՝ 7,5 մլրդ դրամ

ԵՐԵՎԱՆՄԱՅԻՍԻ 23, 24News

1

ՀՀ կառավարության՝ մայիսի 23-ի նիստի ժամանակ որոշել է բավարարել ներդրումային ծրագրի շրջանակում «Պարկ Գրուպ» ՍՊԸ-ի կողմից ապրանքների ներմուծման դեպքում մաքսային և հարկային մարմինների կողմից հաշվարկված ավելացված արժեքի հարկի գումարների վճարման ժամկետը՝ 3 տարով հետաձգելու հայտը:

Հարցը ներկայացրել է տնտեսական զարգացման և ներդրումների նախարար Տիգրան Խաչատրյանը՝ նշելով, որ ներկայացված նախագծով ներդրումների ընդահնուր գումարը 7,5 մլրդ դրամ է։ Ներդրումային ծրագրի շրջանակում ընկերությունը նախատեսում է Երևանում կառուցել ընտանեկան ժամանցի և զվարճանքի այգի, որտեղ գործելու են եվրոպական արտադրության վերջին սերնդի կարուսելներ։

Հետաձգման ենթակա ապրանքների համար նախատեսված գումարը կկազմի 4,94 մլրդ դրամ, իսկ հետաձգվող ԱԱՀ-ն գնահատվում է մոտ 1 մլրդ դրամ։ Նախատեսվում է ստեղծել 350 նոր աշախատատեղ, 200 հազար դրամ աշխատավարձով: Տիգրան Խաչատրյանը շփոթվեց եւ աշխատատեղերի թիվ նշեց 350 հազար, ինչին վարչապետն արձագանքեց. «Ո՞ւր էր տենց բան լիներ»:

Քննարկվեց ու հավանության արժանացավ նաեւ գերակա ոլորտում իրականացվող ներդրումային ծրագրի շրջանակներում ներմուծված տեխնոլոգիական սարքավորումները, դրանց բաղկացուցիչ ու համալրող մասերը, հումքը եւ նյութերը ներմուծման մաքսատուրքից ազատելու արտոնությունից օգտվելու համար «Պարկ գրուպ» սահմանափակ պատասխանատվությամբ ընկերությանը արտոնություն տալու հարցը։

Ապրանքնների արժեքը, որից մաքսատուրքից ազատման դիմում է ներկայացված, 4,770 մլրդ դրամ է:

«Պարկ գրուպ» ընկերության կողմից ներմուծվող ապրանքներն օգտագործվելու են հանգստի կազմակերպման, զբոսայգու հիմնադրման համար։

Տիգան Խաչատրյանը նշել է, որ արդեն հողային աշխատանքներն սկսվել են: Աշխատանքի և սոցիալական հարցերի նախարար Զարուհի Բաթոյանն էլ արձագանքել է, թե ուզում է իմանալ՝ արդյոք զվարճանքի միջոցները մատչելի՞ են լինելու հաշմանդամություն ունեցող անձանց համար։

«Այս պահին չեմ կարող պատասխանել, բայց վստահ եմ, որ մեր քննարկումները ներդրողի հետ, կունենան դրական արդյունք», - ասել է Տիգրան Խաչատրյանը: 

Տեսանյութեր

Live

Լրահոս