ԵՐԵՎԱՆ, ՄԱՅԻՍ 23, 24News
ՀՀ դատախազությունը բողոքարկել է Ռոբերտ Քոչարյանի և մյուսների գործով Երևանի ընդհանուր իրավասության դատարանի երկու որոշումները։ Այդ մասին լուրը 24News-ի հետ հեռախոսազրույցի ժամանակ հաստատեց դատախազության հանրային կապերի բաժնի պետ Արևիկ Խաչատրյանը։
«Դատախազությունը երկու բողոք է ներկայացրել Վերաքննիչ դատարան վարույթը կասեցնելու և այն Սահմանադրական դատարան ուղարկելու, ինչպես նաև Ռոբերտ Քոչարյանի խափանման միջոցը փոխելու մասին», - ասել է Արևիկ Խաչատրյանը։
Ռոբերտ Քոչարյանն ազատ էր արձակվել մայիսի 18-ին՝ Արցախի գործող նախագահ Բակո Սահակյանի եւ նախկին նախագահ Արկադի Ղուկասյանի երաշխավորությամբ։