Հունիսի 1-ին բոլոր երեխաների մուտքը կենդանաբանական այգի կլինի անվճար

ԵՐԵՎԱՆ, ՄԱՅԻՍ 23, 24News

օդ

Երևանի քաղաքապետարանը և Երևանի կենդանաբանական այգին հունիսի 1-ին՝ Երեխաների պաշտպանության միջազգային օրվա կապակցությամբ, բոլոր փոքրիկներին սիրով հրավիրում է մասնակից դառնալու տոնական զվարճալի ծրագրին: 

Այգու փոքրիկ այցելուներին կդիմավորեն ծաղրածուները, կլինեն թատերական ներկայացումներ, տոնական զվարճալի ծրագիր ու տարաբնույթ ուրախ միջոցառումներ, շատ պաղպաղակ, վիկտորինաներ, որի հատուկ մրցանակը՝ հեծանիվը կամ ֆոտոխցիկը, կհանձնվի ամենաբանիմացին:

Հունիսի 1-ին բոլոր երեխաների մուտքը կենդանաբանական այգի կլինի անվճար: