Մեկնարկել է ԱՄՆ նախագահի ամենաերկարատև պետական այցը Ճապոնիա՝ 1992-ից ի վեր

ԵՐԵՎԱՆ, ՄԱՅԻՍ 25, 24News

օդ

ԱՄՆ նախագահ Դոնալդ Թրամփը պետական պաշտոնական այցով Ճապոնիա է մեկնել: Այցը կտեւի մինչեւ մայիսի 28-ը։ Ինչպես հաղորդում է ՏԱՍՍ-ը, ամերիկյան առաջնորդի ինքնաթիռը վայրէջք է կատարել Տոկիոյի Հանեդա օդանավակայանում։

Սա ԱՄՆ նախագահի Ճապոնիա ամենաերկարատեւ պետական այցն է 1992 թվականից ի վեր։ Շաբաթ օրը Թրամփը նախատեսել է հանդիպում բիզնեսի ներկայացուցիչների հետ։ Բացի այդ, մայիսի 26-ին Թրամփը Աբեի հետ գոլֆ կխաղա, իսկ երեկոյան միասին կայցելեն կայսեր գավաթի մրցաշարին։

Ծրագրի հիմնական մասը կսկսվի մայիսի 27-ին։ Այն կներառի երկրի վարչապետ Սինձո Աբեի հետ հանդիպումը, ինչպես նաեւ ընդունելություն նոր կայսր Նարուհիտոյի մոտ, որը գահակալել է մայիսի 1-ից։

Եզրափակիչ օրը ԱՄՆ նախագահը կբարձրանա Ճապոնիայի ինքնապաշտպանության ուժերի «Կագա» ուղղաթիռակիր նավ, որը գտնվում է Տոկիոյի ծոցի Յոկոսուկա բազայում։ Մոտ ապագայում նախատեսվում է այդ նավը վերափոխել թեթեւ ավիակրի։

Թրամփի այցելության ժամանակ անվտանգության ապահովման համար մոտ 25 հազար ճապոնացի ոստիկան է գործի դրվելու։ Ուժեղացված պահպանության են ենթարկվելու կայսերական պալատը, վարչապետի նստավայրը, Տոկիոյի Հանեդա օդանավակայանը, որտեղ ժամանակավորապես արգելել են օգտագործել աղբամաններ, եւ բոլոր շրջանները, որոնք կապ ունեն ԱՄՆ նախագահի այցի ծրագրի հետ։

 

 

Տեսանյութեր

Live

Լրահոս