ԵՐԵՎԱՆ, ՄԱՅԻՍԻ 27, 24News
Ռուսաստանի Սանկտ Պետերբուրգում եռակի օլիմպիական չեմպիոն Ալեքսանդր Դիտյատինի անվան սպորտային մարմնամարզության գավաթի խաղարկության ժամանակ Արթուր Դավթյանը 3 ոսկե և 2 արծաթե մեդալ է նվաճել առանձին գործիքների վրա: Այս մասին տեղեկանում ենք ՀԱՕԿ պաշտոնական կայքէջից:
Սպորտային մարմնամարզության Հայաստանի հավաքականի անդամը հաղթել է բազմամարտում, հենացատկի և նժույգթափերի վարժություններում: Օղակների և ազատ վարժություններում Դավթյանը դարձել է արծաթե մեդալակիր:
Ավելի վաղ Արթուր Դավթյանը և Գագիկ Խաչիկյանը թիմային պայքարում առաջին տեղն էին զբաղեցրել: Գագիկ Խաչիկյանը ոսկե մեդալակիր էր դարձել նժույգի թափեր վարժությունում, իսկ պտտաձողի վարժությունում նվաճել էր բրոնզե մեդալ: