ԵՐԵՎԱՆ, ՄԱՅԻՍԻ 29, 24News
Սանկտ Պետերբուրգում ՀՀ գլխավոր հյուպատոս Հրայր Կարապետյանը Սանկտ Պետերբուրգի Կամսկի այգում գտնվող Կոմիտաս վարդապետի հուշարձանի մոտ մայիսի 25-ին մասնակցել և ողջույնի խոսքով է հանդես եկել «Զարթոնք» հայկական ավանդական պարերի համույթի և «Խատուտիկ» մանուկների զարգացման հայկական կենտրոնի կազմակերպած «Արի պարի քոչարի» համահայկական նախաձեռնությանը:
միջոցառմանը հնչել են Կոմիտասի երգերը, Հովհաննես Թումանյանի բանաստեղծությունները, այնուհետև միջոցառմանը ներկա գտնվող երեխաները և մեծահասակները «Զարթոնք» հայկական ավանդական պարերի համույթի սաների հետ պարել են քոչարի և միացել համաշխարհային պարային «Արի պարի քոչարի» ֆլեշմոբին:
