ԵՐԵՎԱՆ, ՀՈՒՆԻՍԻ 10, 24News
Աբովյանի քաղաքապետի ընտրություններում «Քաղաքացիական պայմանագիր» կուսակցության սատարած թեկնածուն՝ Գրիգոր Գուլյանը ֆեյսբուքյան իր էջում հետևյալ գրառումն է կատարել․
«Սիրելի´ աբովյանցիներ,
Շնորհակալ եմ յուրաքանչյուրիցդ ձեր քվեի ու վստահության համար:
Ընդամենը մի քանի հարյուր ձայն էր մեզ պակասում, որպեսզի միասին իրականացնեինք այն, ինչի մասին այդքան խոսում էինք մեր իրազեկման արշավների ու բակային հանդիպումների ժամանակ:
Բայց մի´ հուսահատվեք, որովհետեւ միասին մեզ այդուհանդերձ հաջողվեց Աբովյանն արթնացնել խոր թմբիրից:
Կո´չ եմ անում լինել պահանջատեր եւ ուշիուշով հետեւել, որպեսզի ձեզ տրված խոստումներն այս անգամ էլ օդում չմնան:
Իսկ ես շարունակելու եմ ծառայել Հայաստանի Հանրապետությանն ու իմ սիրելի Աբովյան քաղաքին:
Շնորհակալություն»,–գրել է նա։