ԵՐԵՎԱՆ, ՀՈՒՆԻՍ 12, 24News
Զինված հանցագործների խումբը հունիսի 12-ին Մեքսիկայի Ուիմանգիլո քաղաքում սպանել է լրագրող Նորմա Սարաբիային՝ սեփական տան դռների մոտ: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:
Սպանության շարժառիթները դեռ հստակեցված չեն: Դեպքի վայրում աշխատում են քննիչները:
Մարդու իրավունքների հարցերով ազգային հանձնաժողովի տվյալներով՝ 2000 թվականից ի վեր Մեքսիկայում սպանվել է ավելի քան 140 լրագրող: Լրատվամիջոցների ևս 21 աշխատակից 2005 թվականից համարվում է անհետ կորած: