ԵՐԵՎԱՆ, ՀՈՒՆԻՍԻ 18, 24News
Ադրբեջանի պաշտպանության նախարար Զաքիր Հասանովը խոստովանել է, որ ազգային բանակի զորավարժությունների ժամանակ արձակված արկը ընկել է Գյանջա քաղաքի բնակելի տան վրա:
Contact.az-ը հաղորդում է, որ լրագրողների հետ հանդիպմանը նա ասել է, որ դա «ուսումնական արկ էր»: Եթե դա մարտական արկ լիներ, ապա զոհերն անխուսափելի կլինեին: Նախարարը պնդում է, որ արկը տուն է ընկել՝ ժայռից մոտ 18 կմ անդրադարձ թռիչք կատարելով: Միջադեպի կապակցությամբ զորավարժությունները դադարեցվել էին: Տեղում աշխատում է հանձնաժողովը, որը հետաքննում է միջադեպի պատճառները:
ՊՆ-ն կփոխհատուցի տան սեփականատիրոջը պատճառված վնասը: