ԵՐԵՎԱՆ, ՀՈՒՆԻՍԻ 19, 24News
ՀՀ վարչապետ Նիկոլ Փաշինյանը չի կարող որևէ լավատեսական ուղղություն տալ Արցախյան կարգավորմանը, քանի որ հստակ պատկերացնում է, որ պատերազմը չի ավարտվել ու կարող է ամեն պահի վերսկսվել։ Այդ մասին Աժ-կառավարություն հարցուպատասխանի ժամանակ ասել է վարչապետ Նիկոլ Փաշինյանը։
«Ինձ համար ակնհայտ է, որ Ադրբեջանը պարզապես ցանկանում է կիրառել այն նույն գործիքը, որ երկար ժամանակ կիրառել է, այսինքն` փորձ անել Ղարաբաղի հարցի կարգավորումը դուրս բերել կառուցողական, բանակցային հունից։ Այս գործիքը Ադրբեջանը բավական երկար ժամանակի կիրառում է, և Հայաստանը պետք է դիմակայի այդ գործիքին՝ նաև զինված ուժերի պատրաստակամության մակարդակը բարձրացնելով»,- ասել է վարչապետ Փաշինյանը։
Փաշինյանը նաև հիշեցրել է, որ Հայաստանի Հանրապետությունն ու Արցախի Հանրապետությունը, պատերազմ չեն ուզում, բայց հայկական կողմին որևէ մեկը չի կարող վախեցնել պատերազմի սպառնալիքով։