ԵՐԵՎԱՆ, ՀՈՒՆԻՍԻ 25, 24News
Վարչապետ Նիկոլ Փաշինյանը շնորհավորել է Սլովենիայի Հանրապետության վարչապետ Մարյան Շարեցին Սլովենիայի Պետականության օրվա կապակցությամբ: Նիկոլ Փաշինյանի ուղերձում, մասնավորապես, ասված է.
«Ջերմ շնորհավորանքներ եւ լավագույն մաղթանքներ եմ հղում Ձեզ Սլովենիայի Հանրապետության ազգային տոնի՝ Պետականության օրվա կապակցությամբ:
Հայաստանի կառավարությունը հաստատակամ է ամրապնդելու բարեկամական փոխշահավետ համագործակցությունը Սլովենիայի հետ: Վստահ եմ, որ մեր երկրներն ունեն քաղաքական եւ տնտեսական հարաբերություններ զարգացնելու մեծ ներուժ, որը համատեղ ջանքերով կկարողանանք կյանքի կոչել՝ ի բարօրություն մեր ժողովուրդների:
Համոզված եմ, որ ՀՀ-ԵՄ Համապարփակ եւ ընդլայնված գործընկերության համաձայնագրի իրագործումը նոր հնարավորություններ կբացի Հայաստանի եւ Սլովենիայի միջեւ համագործակցության համար»: