ԵՐԵՎԱՆ, ՀՈՒՆԻՍ 25, 24News
Վրաստանի խորհրդարանն ընտրեց խորհրդարանի նոր խոսնակ: Քվեարկության արդյունքում խորհրդարանի խոսնակ ընտրվեց իշխող «Վրացական երազանք-ժողովրդավարական Վրաստան» կուսակցության առաջարկած թեկնածուն` Արչիլ Թալակվաձեն:
Մինչ այդ խորհրդարաննն ընդունել էր նախկին խոսնակի՝ Իրակլի Կոբախիձեի հրաժարականը:
«Ցանկանում եմ շնորհակալություն հայտնել ձեր աջակցության և վստահության համար: Հաշվի առնելով մեր երկրի ազգային շահերը` ես ձեզ հետ միասին կընդունեմ բոլոր որոշումները, որոնք ապագայում պետք կլինի ընդունել», – հայտարարել է Թալակաձեն:
Նա նաև նշել է, որ Վրաստանի խորհրդարանի նախագահ լինելն իր համար մեծ պատասխանատվություն է:
Թալակվաձեի թեկնածությանը կողմ է քվեարկել 101 պատգամավորից 94-ը: