ԵՐԵՎԱՆ, ՀՈՒՆԻՍԻ 28, 24News
«Le Figaro» պարբերականը գրում է, որ ֆրանսահայ աշխարհահռչակ շանսոնյե Շառլ Ազնավուրի՝ Կլոդ Մեսսիա անունով աղջկան հասցեագրված սիրային նամակները հունիսի 28-ին աճուրդի կհանվեն։
Շանսոնյեն 6 տարի շարունակ նամակներ է գրել 20-ամյա Կլոդին, որին հանդիպել է 1958 թվականին և սիրահարվել: Այդ ժամանակ Ազնավուրը 34 տարեկան էր: Նամակաշարից պահպանվել է 42 ձեռագիր նամակ, 9 բացիկ և 9 հեռագիր: 118 էջից բաղկացած նամակագրության արժեքը 30000–40000 եվրո է:
Հիշեցնենք, որ Ազնավուրն ամուսնացել է 3 անգամ. առաջին անգամ տասնյոթամյա Միշելին Ռյուգելի, երկրորդ անգամ Էվելին Պլեսիի, երրորդ անգամ շվեդուհի Ուլլա Տորսելի հետ: Երեք ամուսնություններից Ազնավուրն ունեցել է 5 երեխա: