ԵՐԵՎԱՆ, ՀՈՒՆԻՍԻ 28, 24New
Բելառուսի մայրաքաղաք Մինսկում շարունակվում են Եվրոպական խաղերը:
Ինչպես արդեն նշել էինք, այսօր մրցահարթակ են դուրս եկել հունահռոմեական ոճի ըմբիշները:
Արմեն Մելիքյանի (60 կգ) պարտությունից հետո գորգ դուրս եկավ Կարեն Ասլանյանը (67 կգ) և կարողացավ 4-0 հաշվով հաղթել բուլղարացի Սվիլեն Կոստադինովին: 1/4 եզրափակչում Կարենը կմրցի նորվեգացի Հաավարդ Յորգենսենի հետ:
Նորվեգացին 1/8 եզրափակչում 4-1 հաշվով հաղթել էր ադրբեջանցի Քարիմ Ջաֆարովին: Քիչ հետո մրցահարթակ դուրս կգա նաև Կարապետ Չալյանը (77 կգ):