ԵՐԵՎԱՆ, ՀՈՒՆԻՍԻ 29, 24New
Մինսկում ընթացող Եվրոպական խաղերի հունահռոմեական ըմբշամարտի մրցաշարում Հայաստանի ներկայացուցիչ Կարապետ Չալյանը նվաճեց փոխչեմպիոնի կոչումը։
77 կգ քաշային կարգի եզրափակիչում Չալյանը մրցեց ռուսաստանցի Ալեքսանդր Չեխիրկինի հետ եւ պարտություն կրեց 6։7 հաշվով։ Առաջին մրցափուլում 0։5 հաշվով պարտվելուց հետո, երկրորդում հայ ըմբիշը կարողացավ հաղթել 6։2 հաշվով, սակայն ավելին անել Չալյանը չհասցրեց։
Կարապետ Չալյանը 1/8 եզրափակիչում 9։0 հաշվով հաղթել էր Ուկրաինայի ներկայացուցիչ Էլմար Նուրալիեւին, քառորդ եզրափակիչում 2։1 հաշվով պարտության էր մատնել մոլդովացի Իգոր Բեշլեագային, կիսաեզրափակիչում 4։1 հաշվով հաղթել էր հունգարացի Տամաշ Լորինչին։