ԵՐԵՎԱՆ, ՀՈՒԼԻՍԻ 08, 24News
Հետազոտությունները ցույց են տալիս, որ Հայաստանում 5-ից 7 կովկասյան ընձառյուծ կա, գուցե՝ մի քիչ ավելի լինի. ԱԺ տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովում «ՀՀ քրեական օրենսգրքում փոփոխություններ կատարելու մասին» և կից ներկայացված նախագծերի փաթեթի քննարկմանը հայտարարեց Շրջակա միջավայրի իրավաբանական վարչության պետ Խաչատուր Խաչատրյանը:
«Ամեն դեպքում՝ ֆոտոթակարդներով ֆիքսվել է 5-ից 7 կովկասյան ընձառյուծի առանձնյակ»,-ասաց նա:
Նշենք, որ նախագծով առաջարկվում է կովկասյան ընձառյուծի որսի կամ ոչնչացման համար նախկին 3 մլն դրամ տուգանքը դարձնել 100 մլն:
Խաչատուր Խաչատրյանը նշեց, որ նման բարձր տուգանքի նպատակն այն է, որ իրազեկված քաղաքացիներն ընդհանրապես չմտածեն Կովկասյան ընձառյուծի որսի կամ ոչնչացման մասին, որովհետև խիստ կրիտիկական վիճակում գտնվող կենդանի է:
«Նրանց մտքով չի էլ անցնի համապատասխան իրավախախտում թույլ տալ»,-ասաց նա:
Նախագիծը դրական եզրակացություն ստացավ և մտած ԱԺ լիագումար նիստ: