Գյումրու կայարան մտնելիս գնացքը վրաերթի է ենթարկել մի կնոջ. նա տեղում մահացել է

ԵՐԵՎԱՆՀՈՒԼԻՍԻ 12, 24News

1

Հուլիսի 12-ին` ժամը 19:46-ին, «911» ծառայությանն ահազանգ է ստացվել, որ երկաթգծի 2725-րդ կմ-ին՝ Բայանդուր-Գյումրի հատվածում, Գյումրի քաղաքի կայարան մտնելիս գնացքը վրաերթի է ենթարկել մոտ 60 տարեկան կնոջ. անհրաժեշտ է փրկարարների օգնությունը:

Արտակարգ իրավիճակների նախարարությունից հայտնում են, որ դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Ինչպես հայտնում է Shamshyan.com-ը, կինը Գյումրի քաղաքի բնակիչ Սուսաննա Խաչատրյանն էր, նա տեղում մահացել է: Այս պահին նշված վայր է ժամանել ոստիկանության Կումայրիի բաժնի օպերատիվ խումբը:

Տեղում աշխատում են Հայաստանի քննչական կոմիտեի Շիրակի մարզային քննչական վարչության քննիչները: Ոստիկանությունն ու քննչական բաժինը պարզում են մեքենավարի ինքնությունը: