ԵՐԵՎԱՆ, ՀՈՒԼԻՍԻ 13, 24News
Թուրքիայի հարավարևելյան Շրնաք նահանգի Ջիզրե շրջանում քուրդ զինյալների հարձակման հետևանքով շրջանային ոստիկանության 3 ծառայող է վիրավորվել: Այս մասին գրում է Էրմենիհաբերը։
Նշվում է, որ զինյալներն աղբատար մեքենայի վրա ինքնաշեն պայթուցիկ են տեղադրել, որն էլ գործի է դրվել հեռակառավարման համակարգով:
Վիրավորում ստացած ոստիկանության ծառայողները հոսպիտալացվել են:
Զինյալներին ձերբակալելու ուղղությամբ ոստիկանությունը օպերացիա է սկսել:
Հիշեցնենք, որ «Քուրդիստանի բանվորական» կուսակցությունը (PKK-ՔԲԿ) Թուրքիայում համարվում է ահաբեկչական: