ԵՐԵՎԱՆ, ՀՈՒԼԻՍԻ 18, 24News
Թուրքական զինուժը զինտեխնիկա է կուտակում Սիրիայի հետ սահմանին:
Թուրքիայի տարբեր զորամասերից բեռնափոխադրող ռազմական մեքենաներով երկրի հարավարևելյան Հաթայի նահանգի Հասսա շրջան են ուղարկվել զինված ստորաբաժանումներ և լրացուցիչ զինտեխնիկա: Այս մասին գրում է Էրմենիհաբերը:
Նշվում է, որ ռազմական մեքենաների մեջ կան նաև ազդանշանները խլացնող սարքեր:
Հիշեցնենք, որ հունիսի 25-ին Թուրքիան բեռնափոխադրող ռազմական մեքենաներով տանկեր էր ուղարկել Հաթայի նահանգ: