ԵՐԵՎԱՆ , ՀՈՒԼԻՍԻ 27, 24News
Բրիտանական «Արսենալ»-ի կիսապաշտպան Մոհամեդ Էլ-Նենիի՝ Եգիպտոսում գտնվող ամառանոցում դի է հայտնաբերվել, հայտնում է Чемпионат.com-ը: Այս մասին ոստիկանությանը տեղեկացրել է 25-ամյա ֆուտբոլիստի հայրը:
Եգիպտոսի Քրեական հետախուզության ծառայության աշխատակիցներն այժմ հետաքննում են տեղի ունեցած ողբերգության հանգամանքները:
Նշենք, որ Մոհամեդ Էլ-Նենին «Արսենալ» է տեղափոխվել 2016 թվականին՝ շվեյցարական «Բազել» ակումբից:
2018-2019 թվականների մրցաշրջանում կիսապաշտպանը Անգլիայի առաջնությունում հանդես է եկել ընդամենը 8 խաղով և մեկ գոլային փոխանցում կատարել: