ԵՐԵՎԱՆ , ՕԳՈՍՏՈՍԻ 05, 24News
Հունահռոմեական ոճի ըմբիշ Արթուր Շահինյանը (87 կգ) դարձավ Լեհաստանի մայրաքաղաք Վարշավայում ավարտված միջազգային մրցաշարի հաղթող։ Այս մասին հայտնում են ՀԱՕԿ-ից։
Մինչև 87 կգ քաշային կարգի հայկական եզրափակում Շահինյանը հանդիպել էր Մաքսիմ Մանուկյանին։Ծավալվեց լարված պայքար։
Գոտեմարտի վերջին վայրկյաններին հաշիվը 2։1 էր՝ հօգուտ Մանուկյանի։
Շահինյանը դուրս հրեց Մանուկյանին մրցագորգից։ Մրցավարը 2 միավոր-նկատողություն տվեց Մանուկյանին՝ պայքարից խուսափելու համար։ Մանուկյանն ընկավ և այլևս չկարողացավ շարունակել պայքարը։
Մրցաշարի հաղթող ճանաչվեց Արթուր Շահինյանը։
Գևորգ Ղարիբյանն էլ (60 կգ) դարձավ մրցաշարի բրոնզե մեդալակիր։
Հիշեցնենք, որ նախօրեին ոսկե մեդալ էր նվաճել Մալխաս Ամոյանը (72 կգ)։