ԵՐԵՎԱՆ , ՕԳՈՍՏՈՍԻ 08, 24News
Օգոստոսի 7-ին ՀՀ ԱՆ քրեակատարողական ծառայության օպերատիվ բաժնի աշխատակիցները, իրացնելով օպերատիվ տվյալները, ՀՀ ԱՆ «Վանաձոր» քրեակատարողական հիմնարկում իրականացրել են չնախատեսված խուզարկություններ, որոնց արդյունքում խցերից հայտնաբերել են ինքնաշեն 2 պարան և 2 պարսատիկ, 1 բջջային հեռախոս, 1 մարտկոց, 3 լիցքավորիչ, 2 ականջակալ, 3 զառ, 36 գործարանային և 32 ինքնաշեն եղանակով պատրաստված խաղաքարտեր:
Ինչպես հայտնում է ՀՀ ԱՆ քրեակատարողական ծառայության հանրային կապերի բաժինը՝ վերոհիշյալ փաստերի առթիվ նախապատրաստվում են նյութեր: