ԵՐԵՎԱՆ, ՕԳՈՍՏՈՍԻ 8, 24News
Կառավարությունը օգոստոսի 8-ի նիստի ժամանակ հաստատել է 2008 թվականի մարտի 1-ից 2-ը Երևանում տեղի ունեցած իրադարձությունների ժամանակ տուժած անձանց աջակցության տրամադրման համար ներկայացվող դիմումի քննարկման և աջակցության տրամադրման կարգը, աջակցության ձևը և չափը, աջակցության տրամադրման համար ներկայացվող դիմումի ձևը, ինչպես նաև դիմումին կցվող փաստաթղթերի ցանկը։
Ըստ այդմ՝ աջակցությունը տրամադրվում է միանվագ դրամական օգնության ձևով հետևյալ չափերով․
1․ ստացած վնասվածքի պատճառով զոհված (մահացած) անձի` ՀՀ քրեական դատավարության օրենսգրքով նախատեսված կարգով իրավահաջորդի կարգավիճակ ունեցող անձին՝ 30 մլն դրամ,
2․ առողջությանը ծանր վնաս հասցված անձին՝ 15 մլն դրամ,
3․ առողջությանը միջին ծանրության վնաս հասցված անձին՝ 5 մլն դրամ: