ԵՐԵՎԱՆ, ՕԳՈՍՏՈՍԻ 8, 24News
Օգոստոսի 8-ին խոշոր ավտովթար է տեղի ունեցել Կոտայքի մարզում։ Ժամը 14։40-ի սահմանում Երևան-Աշտարակ ավտոճանապարհի Քասախ գյուղի վարչական տարածքում բախվել են Արագածոտնի մարզի բնակիչ 30-ամյա Արամայիս Գալստյանի վարած «ЗИЛ» MMZ4502 մակնիշի 36 AL 307 համարանիշի և Շիրակի մարզի բնակիչ 25-ամյա Արման Հակոբյանի վարած BMW մակնիշի 45 RM 545 համարանիշի ավտոմեքենաները։ Վթարի հետևաքնով, ըստ նախնական տեղեկության, զոհեր և վիրավորներ չկան։ Այդ մասին հայտնում է shamshyan.com-ը։
Ըստ նախնական տեղեկության՝ վթարի մեղավորը եղել է «ЗИЛ»-ի վարորդը, որը շրջադարձի հատվածում վթարային իրավիճակ է ստեղծել «BMW»-ի վարորդի համար։
Դեպքի փաստով նյութեր են նախապատրաստվում։