ԵՐԵՎԱՆ, ՕԳՈՍՏՈՍԻ 9, 24News
Սևան-Հրազդան կասկադը Հայաստանի էլեկտրացանցի կարևորագույն բաղադրիչն է, որն ապահովում է հանրապետության էլեկտրաէներգիայի տարեկան արտադրության 10 տոկոսը:
Հիդրոկասկադի հիմնական նշանակությունը Հայաստանի էներգետիկ ոլորտի համար ընդգծված ձևով ի հայտ եկավ hուլիսի 10-ին` հանրապետության էներգետիկ համակարգում տեղի ունեցած խոշոր վթարի ժամանակ:
«էներգահամակարգի ամբողջական վերականգնումն սկսվեց էլեկտրաէներգիայի հենց մեր՝ Սևանի կայանից։ Մեր մասնագետների գրագետ և անձնուրաց գործողությունների շնորհիվ կարճ ժամանակահատվածում երկու ժամվա ընթասցքում էլեկտրաէներգիան վերկանգնվեց» ,- նշեց «Միջազգային էներգետիկ կորպորացիա» ՓԲԸ գլխավոր տնօրեն Ռոման Զոհրաբյանցը։
Սևան-Հրազդան կասկադը դարձավ երկրի էլեկտրամատակարարման հիմնական պահուստային աղբյուրներից մեկը, որը հնարավորություն ընձեռեց կարգավորելու հանրապետությունում ստեղծված իրավիճակը: