ԵՐԵՎԱՆ , ՕԳՈՍՏՈՍԻ 09, 24News
Պոլսո հայոց պատրիարքի ընտրության նախաձեռնող խմբի նախագահ Խոսրով Քոլեդավիթօղլուն եւ փոխնախագահ Սարգիս Չավուշյանը Անկարայում հանդիպել են Թուրքիայի ՆԳ նախարար Սուլեյման Սոյլուի եւ այլ բարձրաստիճան պաշտոնյաների հետ։
Ինչպես տեղեկացնում է Ստամբուլի հայկական «Ակոս»–ը, Նախաձեռնող խմբի նախագահ Խոսրով Քոլեդավիթօղլուն հայտնել է, որ ՆԳ նախարարի եւ մյուսների հետ հանդիպումները դրական են անցել, որոնք կարելի է առաջին քայլերը համարել պատրիարքի ընտրության գործընթացում։
Նշենք, որ 2019–ի մարտի 8–ին մահացել է Պոլսո հայոց 84–րդ պատրիարք Մեսրոպ Մութաֆյանը, որից հետո պատրիարքական փոխանորդ է ընտրվել եպիսկոպոս Սահակ Մաշալյանը։ Ավելի ուշ նաեւ ստեղծվել է ընտրությունները կազմակերպող եւ համակարգող նախաձեռնող խումբ, որի նախագահ է դարձել Խոսրով Քոլեդավիթօղլուն։