ԵՐԵՎԱՆ, ՕԳՈՍՏՈՍԻ 15, 24News
Ամուլսարի աջակիցները Ջերմուկում ավտոերթ են անցկացնում` իրազեկելով վաղը կայանալիք հավաքի մասին, նաեւ հայտարարություն են տարածել, որ օգոստոսի 16-ին ջերմուկցիները սպասում են ՀՀ վարչապետ Նիկոլ Փաշինյանին՝ խնդրի վերաբերյալ քննարկման մասնակցելու Այս մասին տեղեկացնում է ակտիվիստ Շիրակ Բունիաթյանը՝ ֆեյսբուքյան իր էջում․
«Սիրելի հայրենակիցներ վաղը` օգոստոսի 16-ին, Ջերմուկ առողջարանային քաղաքի տաքսիների կանգառ հրապարակում ողջ բնակչությանը դուրս է գալիս սպասելու ՀՀ վարչպետ ՆԻԿՈԼ ՓԱՇԻՆՅԱՆԻՆ։
Հիմք ընդունելով վարչապետի պատասխանը մեր հարցին, որ եթե փորձաքննության արդյունքները դրական լինեն, բայց միևնույնն է բնակիչները դեմ լինեն հանքին, ի՞նչ է լինելու։
Նա ասաց, մեջբերում եմ. «Երբ փորձաքննության արդյունքները պատրաստ լինեն, պապկեն կդնեմ թևիս տակ, կգամ Ջերմուկ քննարկելու»։
Պարոն Նիկոլ Փաշինյան, օգոստոսի 16֊-ին ժամը 14։00-ին Ջերմուկ համայնքի բնակիչները սպասում են ձեզ։
Միասին որոշելու Ջերմուկ քաղաքի հետագա ճակատագիրը»,–ասված է հայտարարությունում։