ԵՐԵՎԱՆ, ՕԳՈՍՏՈՍԻ 17, 24News
Օգոստոսի 17-ին՝ ժամը 14:37-ին, «911» ծառայությանն ահազանգ է ստացվել, որ Կոտայքի մարզի Եղվարդ քաղաքի Նատի թաղամասում այրվում է խոտածածկ տարածք: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Անհրաժեշտությունից ելնելով՝ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երեք մարտական հաշվարկ և ճգնաժամային կառավարման ազգային կենտրոնի արտակարգ իրավիճակների արձագանքման խումբը։ Հրդեհը մեկուսացվել է ժամը 18:59-ին: Դեպքի վերաբերյալ կտրվի լրացուցիչ տեղեկություն։