Լուկաշենկոն շնորհավորական ուղերձ է հղել Գարեգին Բ-ի ծննդյան տարեդարձի կապակցությամբ

ԵՐԵՎԱՆ, ՕԳՈՍՏՈՍԻ 21, 24News

քաղաքական

Բելառուսի նախագահ Ալեքսանդր Լուկաշենկոն շնորհավորական ուղերձ է հղել Ամենայն Հայոց Կաթողիկոս Գարեգին Բ-ի ծննդյան տարեդարձի կապակցությամբ:

Շնորհավորական ուղերձում նշվում է, որ Բելառուսին և Հայաստանին միավորում են պատմամշակութային երկարատև կապերը, որոնք պահպանելու գործում մեծ է քրիստոնեության դերը:

«Ձեր հովվական ջանքերը ուղղված են միջկրոնական երկխոսությանը, հասարակության մեջ քաղաքացիական խաղաղությանն ու համաձայնությանը: Մնալով մեր երկրների միջև բաց, գործընկերային հարաբերություններն ընդլայնելու անփոփոխ կողմնակիցը՝ Դուք մշտապես նպաստում եք հայ և բելառուս ժողովուրդների միջև բարեկամության ամրապնդմանը»,- ասված է Բելառուսի նախագահի ուղերձում: