ԵՐԵՎԱՆ, ՕԳՈՍՏՈՍԻ 24, 24News
Ռուսաստանի նախագահ Վլադիմիր Պուտինը կոնկրետ գործողությունների հանձնարարական է տվել՝ ԱՄՆ-ի կողմից նոր հրթիռների փորձարկմանը համաչափ պատասխան տալու։ Այս մասին հայտնում է «Կոմերսանտը»՝ հիշեցնելով, որ ամերիկյան կողմը ավելի քան 500 կմ հեռահարության հրթիռ է փորձարկել։
Անվտանգության խորհրդի նիստում իր խոսքում նախագահ Պուտինը ուշադրություն է հրավիրել այն փաստին, որ հրթիռները փորձարկվել են ՄԿ-41 արձակիչ հարմարանքի միջոցով, ինչը արգելված էր Փոքր եւ միջին հեռահարության հրթիռների ոչնչացման համաձայնագրով։