ԵՐԵՎԱՆ, ՕԳՈՍՏՈՍԻ 24, 24News
Մոսկվայի Չայկովսկու անվան պետական կոնսերվատորիայի Մեծ դահլիճում սեպտեմբերի 20-ին կայանալու է համերգ նվիրված Կոմիտասի 150-ամյակին։
ՌԴ-ում ՀՀ դեսպանության ֆեյսբուքյան էջից տեղեկանում ենք, որ համերգին մասնակցելու է Կոմիտասի անվան պետական լարային քառյակը, ՀՀ ժողովրդական արտիստ սոպրանո Հասմիկ Պապյանը, մեցցո սոպրանո Մարիա Օստրոուխովան, դաշնակահարուհի Աննա Արզամանովան և ուրիշներ։
Համերգի կազմակերպիչներն են ՌԴ-ում ՀՀ դեսպանությունը, ՌԴ մշակույթի նախարարությունը, Չայկովսկու անվան պետական կոնսերվատորիան, ՀԱԵ Նոր-Նախիջևանի և Ռուսաստանի թեմը։