ԵՐԵՎԱՆ, ՕԳՈՍՏՈՍԻ 27, 24News
ՊԵԿ նախկին նախագահ Գագիկ Խաչատրյանի եղբորորդին՝ ՊԵԿ Ներքին անվտանգության վարչության նախկին պետ Կարեն Խաչատրյանը նույնպես բերման կենթարկվի։ Այդ մասին ԱԱԾ շենքի դիմաց լրագրողների հետ ճեպազրույցի ժամանակ հայտարարել է ԱԱԾ տնօրեն Արթուր Վանեցյանը, ապա հավելել, որ Գագիկ Խաչատրյանի որդիների նկատամամբ որևէ գործողություն չի իրականացվել։
«Նրա մերձավորներից Կարեն Խաչատրյանը բերման կենթարկվի, սակայ այս պահին որևէ հիմք և ապացույց չունենք Գագիկ Խաչատրյանի որդիների նկատմամբ»,–ասել է Վանեցյանը և հավելել, որ մինչև օրվա վերջ ԱԱԾ-ն հայտարարությամբ հանդես կգա և հանրությանը կներկայացնի գործի վերաբերյալ բոլոր մանարամասները։
Ավելի վաղ հայտնել էինք, որ ՊԵԿ նախկին ղեկավար Գագիկ Խաչատրյանի կողմից առանձնապես խոշոր չափի վատնման և պաշտոնեական դիրքի չարաշահման դեպքի փաստով ԱԱԾ–ում հարուցված քրեկան գործի շրջանակում վաղ առավոտից ԱԱԾ–ն խուզարկություններ է իրականացնում Գագիկ Խաչատրյանին պատկանող տանը, բնակարանում, առանձնատանը, տարածքներում, ինչպես նաև Գագիկ Խաչատրյանի հետ կապ ունեցող այլ անձնանց տարածքներում ու առանձնատներում։