ԵՐԵՎԱՆ, ՕԳՈՍՏՈՍԻ 27, 24News
Ռուսաստանում գտնվող Թուրքիայի նախագահը Վլադիմիր Պուտինի հետ միասին մասնակցել է միջազգային ավիատիեզերական ցուցահանդեսին, որը կազմակերպվել է Մոսկվայի Ժուկովսկի օդանավակայանում։ Այս մասին գրում է Էրմնեիհաբերը:
Արարողության ժամանակ երկու նախագահները խոսել են տուրիզմի և առևտրի ոլորտում ունեցած ձեռքբերումնեից։
Ցուցահանդեսի ժամանակ Թուրքիայի նախագահը ծանոթացել է ռուսական մի շարք ավիաարտադրանքների հետ։ Պուտինը Էրդողանին ներկայացրել է նաև ռուսական 5-րդ սերնդի SU-57 կործանիչը, որը Էրդողանը մտադիր է ձեռք բերել, քանի որ ամերիկյան նոր սերնդի F-35 կործանիչների ծրագրում Թուրքիայի մասնակցություն կասեցվել է։
Սպասվում է, որ Պուտինը և Էրդողանը ավելի ուշ հանդիպում կանցկացնեն, որի օրակարգային թեման կլինի Սիրիայի Իդլիբ նահանգում տիրող իրավիճակը։ Ըստ աղբյուրի՝ կքննարկվեն նաև տարածաշրջանային և միջազգային այլ հարցեր ևս։ Կողմերը հանդիպումից հետո հանդես կգան մամուլի ասուլիսով։
Նշվում է նաև, որ Էրդողանի հետ Մոսկվա են մեկնել Թուրքայի արտգործնախարար Մևլութ Չավուշօղլուն, Թուրքիայի պաշտպանության նախարար Հուլուսի Աքարը, Էրդողանի մամուլի խոսնակ Իբրահիմ Քալընը: