ԵՐԵՎԱՆ, ՕԳՈՍՏՈՍԻ 28, 24News
Վրացական լրատվամիջոցները հայտնում են, որ Վրաստանի ազգային բանկի ղեկավար Կոբա Գվենեթաձեն հայտարարել Է, որ չի պատրաստվում հրաժարական տալ լարիի փոխարժեքի արժեզրկման պատճառով։
Վրաստանի ազգային բանկը ԱՄՆ-ի դոլարի նկատմամբ լարիի փոխարժեքը օգոստոսի 28-ին սահմանել Է 2,9415 լարիի չափով: Գվենեթաձեի հրաժարականը պահանջում են ընդդիմադիր կուսակցությունների ներկայացուցիչները: Նրանք Ազգային բանկի ղեկավարին մեղադրում են անգործության մեջ, որը բերում Է ազգային արժույթի հետագա արժեզրկման:
«Վերջին ժամանակաշրջանում տեղի ունեցած իրադարձություններն ստեղծել են այն բանի բացասական սպասումներ, որ արժութային եկամուտներն ավելի վատն են լինելու, քան այլ դեպքերում, ինչն ազդել Էր արժույթի փոխարժեքի վրա»,- նշել Է Գվենեթաձեն, ապա նաև հայտարարել, որ չի պատրաստվում հրաժարական տալ։
Վրացական լրատվամիջոցները նաև տեղեկացնում են, որ սեպտեմբերի 4-ին կկայանա դրամական քաղաքականության կոմիտեի նիստ, որտեղ որոշում կընդունվի՝ ձեռնարկե՞լ ազգային արժույթի կայունացմանն ուղղված գործողություն, թե՝ ոչ:
Նշենք, որ վրացական լարին արժեզրկվում է Թբիլիսիում բողոքի ակցիաների սկսվելուց և Ռուսաստանի կողմից տուրիստական արգելանքի սահմանումից հետո: Հունիսի 21-22-ին 1 դոլարը 2,78 լարի էր, օգոստոսի 1-ին՝ 2,97 լարի: